ផលិតផលគ្រឿងសម្អាង លើកសម្រស់ ច្រើនមុខ ច្រើនប្រភេទ របស់ប្រទេសសិង្ហបុរី នាំចូលមកកាន់ទីផ្សារប្រទេសកម្ពុជា ដោយសមាគមអភិវឌ្ឍន៍សហប្រតិបត្តិការសេដ្ឋកិច្ចកម្ពុជា-អន្តរជាតិ សហការជាមួយ ក្រុមហ៊ុន R3 International ម្ចាស់ដើម នៃប្រទេសសិង្ហបុរី ទទួលបានការគាំទ្រពីសំណាក់អតិថិជនក្នុងប្រទេសកម្ពុជា ហើយប្រសិនបើ លោក-អ្នក ចាប់អារម្មណ៍ធ្វើពាណិជ្ជកម្ម ឬចាប់ដៃគូពាណិជ្ជកម្ម សមាគមអភិវឌ្ឍន៍នឹងសម្របសម្រួលបច្ចេកទេសផ្សេងៗ និងផ្លូវច្បាប់ ខណៈ ក្រុមហ៊ុន R3 International ដែលជាម្ចាស់ដើម មានទស្សនៈវិស័យថា ចង់ឱ្យប្រជាជនកម្ពុជា មិនត្រឹមតែបានប្រើផលិតផលនេះប៉ុណ្ណោះទេ គឺចង់ឱ្យ លោក-អ្នក ទទួលបានប្រាក់ចំណូលពីផលិតផលទាំងនេះទៀតផង គឺដៃគូពាណិជ្ជកម្ម។
ជាក់ស្ដែង នាថ្ងៃទី២១ ខែតុលា ឆ្នាំ២០២៥ កម្មវិធីពិព័រណ៍ផលិតផលសម្រស់សិង្ហបុរី – Expo & Business Networking Or Business Opportunities Singapore Skin Care ដែលប្រព្រឹត្តទៅនៅសណ្ឋាគារ ហ៊ីម៉ាវ៉ារី រាជធានីភ្នំពេញ ប្រកបដោយរលូនជោគជ័យ ព្រោះមានអតិថិជនជាច្រើនបានទៅសាកល្បងជាក់ស្ដែងនូវបច្ចេកទេសអ្នកជំនាញរបស់ Skin Care R 3 R ម៉ាស្សាមុខ ម៉ាស្សាដៃ-ជើង ធ្វើឱ្យស្បែកកាន់តែ ស.រលោង ភ្លឺស្រស់ស្អាត។
ផលិតផលសម្រស់របស់ប្រទេសសិង្ហបុរី ដែលផលិតដោយក្រុមហ៊ុន R3 International មានច្រើនម៉ាក ច្រើនប្រភេទ ម៉ាក់សញ្ញាសម្គាល់ R 3 R ជាដើម , ត្រូវបាននាំចូលមកកាន់ទីផ្សារប្រទេសកម្ពុជាផ្ដាច់មុខដោយ សមាគមអភិវឌ្ឍន៍សហប្រតិបត្តិការសេដ្ឋកិច្ចកម្ពុជា-អន្តរជាតិ, សមាគមមានគោលការណ៍ផ្គូផ្គង លោក-អ្នក ចាប់ដៃគូ អាជីវកម្ម ពាណិជ្ជកម្ម និងសេវាកម្មផ្សេងៗ ប្រកបដោយសក្ដានុពល។
លោក អឺនី ឈូ ( Ernie Chu ) អគ្គនាយកក្រុមហ៊ុន R3 International បានថ្លែងទៅកាន់អតិថិជនគ្រប់រូប ជាពិសេសដៃគូពាណិជ្ជកម្ម ថា យើងខ្ញុំក្នុងនាមជាក្រុមហ៊ុន ពីរជាមិនចង់ឲ្យលោក-អ្នក គ្រាន់តែប្រើប្រាស់ផលិតផលសម្រស់សិង្ហបុរី របស់ក្រុមហ៊ុន R3 International នេះ ដើម្បីលើកសម្រស់ ឬថែរក្សាសម្រស់តែមួយមុខប៉ុណ្ណោះទេ យើងខ្ញុំថែមទាំងចង់ឱ្យអ្នកទាំងអស់គ្នាទទួលបានដៃគូពាណិជ្ជកម្មនៅទីនេះ ដើម្បីធ្វើអាជីវកម្ម សេវាកម្ម ជាមួយក្រុមហ៊ុន R3 International ទទួលបានប្រាក់ចំណេញបន្ថែមទៀត។
គួររំលឹកថា ក្នុងពិធីពិព័រណ៍ពាណិជ្ជកម្មផលិតផលសម្រស់សិង្ហបុរី – Expo & Business Networking Or Business Opportunities Singapore Skin Care លោកជំទាវ ផេង គន្ធាបូរី អនុប្រធានសមាគមអភិវឌ្ឍន៍សហប្រតិបត្តិការសេដ្ឋកិច្ចកម្ពុជា-អន្តរជាតិ បានថ្លែងថា សមាគម នឹងធ្វើប្រតិបត្តិការក្នុងគោលដៅ ឱ្យលោក-អ្នក ដែលជាប្រធានក្រុមហ៊ុន សហគ្រិនភាព ពាណិជ្ជករ អាជីវករ វិនិយោគិន និងអតិថិជនទូទៅ ដែលមានចំណាប់អារម្មណ៍លើ ជំនួញ-អាជីវកម្មផ្សេងៗ ពាក់ព័ន្ធនឹងផលិតផលសម្រស់នេះ ធ្វើយ៉ាងណា បានជួបជុំគ្នា ពិភាក្សា រិះរកវិធីសាស្ត្រ មធ្យោបាយ ឆ្ពោះទៅរីកចម្រើនទាំងអស់គ្នា។
” សមាគមអភិវឌ្ឍន៍សហប្រតិបត្តិការសេដ្ឋកិច្ចកម្ពុជា-អន្តរជាតិ ” នឹងជួយសម្របសម្រួល គាំទ្រដល់សមាជិកសមាគម ក្នុងកិច្ចសហប្រតិបត្តិការសម្ព័ន្ធភាព ក្នុងភាពជាដៃគូជាមួយ អតិថិជនទូទៅ អាជីវករ-ពាណិជ្ជករ ក្រៅប្រទេស ក្នុងប្រទេស សំដៅបង្កលក្ខណៈងាយស្រួល ក្នុងកិច្ចការអភិវឌ្ឍន៍ ឆ្ពោះទៅរកការរីកចម្រើនទាំងអស់គ្នា៕ រក្សាសិទ្ធដោយ៖ពិសិដ្ឋ CEN